ສມກຈ - ສະມາຄົມການເງິນຈຸລະພາກ

MFA - Lao Microfinance Associationtest

ຫຼັກສູດບໍລິຫານການເງິນຈຸລະພາກ ລຸ້ນທີ 8 ໄດ້ເປີດຂຶ້ນແລ້ວ

ການຝຶກອົບຮົມຫຼັກສູດບໍລິຫານການເງິນຈຸລະພາກ ລຸ້ນທີ 8 ນີ້, ໄດ້ໄຂຂຶ້ນຢ່າງເປັນທາງການ ໃນຕອນເຊົ້າຂອງວັນທີ 6 ກຸມພາ 2017 ທີ່ຫ້ອງປະຊຸມກົມຄຸ້ມຄອງສະຖາບັນການເງິນ, ຕຶກຕະຫຼາດຫຼັກຊັບລາວ ຊັ້ນ 7, ນະຄອນຫຼວງວຽງຈັນ. ໂດຍການໃຫ້ກຽດເປັນປະທານເປີດພິທີຊຸດຝຶກອົບຮົມຂອງ ທ່ານ ປອ. ອາຄົມ ປຣະເສີດ, ຫົວໜ້າກົມຄຸ້ມຄອງສະຖາບັນການເງິນ, ທຫລ ແລະ ທ່ານ ນາງ ປະມວນ ເພັດທານີ, ອໍານວຍການສະມາຄົມການເງິນຈຸລະພາກ (ສມກຈ). ມີນັກສໍາມະນາກອນທີ່ເຂົ້າຮ່ວມຝຶກ ທັງໝົດ 18 ທ່ານ ທີ່ມາຈາກ 14 ສະຖາບັນການເງິນຈຸລະພາກ, ພະນັກງານ ຈາກກົມຄຸ້ມຄອງສະຖາບັນການເງິນ, ແລະ ທະນາຄານແຫ່ງ ສປປ ລາວ ພາກກາງ ສາຂາແຂວງສະຫວັນນະເຂດ. ຫຼັກສູດດັ່ງກ່າວນີ້ ຈະໄດ້ດໍາເນີນໄປ ໂດຍແບ່ງ ເປັນ 2 ງວດ ຄື:​ ງວດທີ 1: ເລີ່ມແຕ່ວັນທີ 06-17 ກຸມພາ, ແລະ ງວດທີ 2: ເລີ່ມແຕ່ວັນທີ 06-17 ມີນາ 2017 ຈຶ່ງຈະສໍາເລັດ.

X